Í ljósi þess að RARIK hefur fyrst og fremst sinnt uppbyggingu og rekstri flutnings- og raforkudreifikerfa, lítilla og meðalstórra vatnsaflsvirkjana og hitaveitna er eðlilegt að þungamiðjan í starfsemi þessa nýja félags verði á þeim vettvangi. Þetta útilokar þó alls ekki aðild að stærri verkefnum eða þátttöku á tengdum verkefnasviðum, eins og t.d. vindorkuverum.
Ákveðið var að leggja félaginu til beina fjármuni í formi hlutafjár, en einnig hafa eignarhlutar í erlendum verkefnum sem RARIK er þátttakandi í, svo sem Blåfall Energi í Noregi, verið lagðir inn í félagið. Ennfremur hafa eignarhlutar í þróunarverkefnum innanlands verið lagðir inn í fyrirtækið t.d. í Sunnlenskri orku ehf.
