Villinganesvirkjun

Fyrirhugað er að stífla Héraðsvötnin milli bæjanna Villinganess og Tyrfingsstaða, þ.e. um 2 km neðan við ármót Eystri- og Vestari-Jökulsár. Virkjuð fallhæð, um 57 m, fæst með því að hækka vatnsborðið með stíflunni og grafa skurð eftir farveginum neðan hennar.

Uppsett afl virkjunar verður 33 MW en hún verður rekin sem rennslisvirkjun sem byggist á tiltölulega jöfnu rennsli í Jökulsánum á veturna. Stíflugerðin leiðir til hækkunar vatnsborðs í gljúfrunum og mun áhrifa vegna þessa gæta frá stíflustæðinu að fremri mörkum jarðanna Gilsbakka við Eystri-Jökulsá og Byrgisskarðs við Vestari-Jökulsá. Lónið sem myndast verður um 1,7 km2 að flatarmáli og mun rúma um 33,5 Gl miðað við vatnsborð í yfirfallshæð. Stærð lónsins leyfir eingöngu miðlun til jöfnunar á dægursveiflum rennslis og álags.

Mat á umhverfisáhrifum virkjunarinnar hefur verið samþykkt af skipulagsstofnun og umhverfisráðherra.

 Einkennisstærðir Villinganesvirkjunar